食物小隊one2III

前晚一下時運低，唔覺意看到這個無記頒獎典禮。

其實一時的不幸，實在不應讓它延續下去，但我又「抵唔住頸」，死都繼續看下去，看到我一吐子氣。(啲人真係犯賤，明知係公仔箱圍威喂都要跟人家認真)

我知，每個頒獎禮都不會公平的：新城是豬肉獎滿溢；港台無端端去科學園吹風，但除不掉土氣；疑似公允的叱吒都無可能唔偏私啦。之不過，呢個十大勁歌，真是偏到離晒大譜，以下是我個人看完，最想砸爛電視之最： 

一、鄭融的《K歌之后》攞金曲，金曲的定義是甚麼？

二、每年「最受歡迎新人獎」我都唔係好知邊個打邊個架喇，但明明今年有好多更出息的新人，點解會係呢幾個攞？！唔通邀請黎明做嘉賓，要有等價交換？

三、全晚唔計英皇(包括林峯)、東亞泛濫，我仲要忍受巨聲、陳奐仁(+沒出現的MC JIN)出現無數次，OMG~~(我不討厭陳奐仁，佢上台很搞笑，但上太多了吧？！) 

四、下年可唔可以唔好頒合唱歌獎？有乜Q用呀！ 

五、衛蘭、JW合唱的《男人信什麼》得「金曲金獎」，我即刻心諗：這個頒獎禮算甚麼？它把觀眾當甚麼？你把歷屆「金曲金獎」的「金曲」當成甚麼？

我知，唔好睇咪無鬼睇囉，又要鬧！！但我都有付出的，我TIME CONSUMING更加係補唔返，打埋呢篇嘢都好嘥我時間，但我真係唔鬧唔舒服。

上年林峯攞亞太區已經被噓爆，點知無記仲可以再接再厲……錯，係變本加厲！ 

最到咁無說服力，你不如唔好搞啦！！